...
Էպիթելային պոչուկային ուղիների բորբոքում՝ «պոչուկի կիստա» (Pilonidal sinus disease) արմատական բուժումը. հարցազրույց Ալեքսանդր Ղուրբանյանի հետ. izmirlianmedicalcenter.com
-Պրոկտոլոգիական հիվանդությունները Հայաստանում բավականին տարածված են և այդ հիվանդությունների շարքում տարածվածությամբ աչքի է ընկնում «պոչուկի կիստա» կոչվող՝ էպիթելային պոչուկային ուղիների բորբոքում հիվանդությունը։
Ինչո՞վ է առանձնանում նշված հիվանդությունը:
-Ձեր նշած պոչուկային կիստա հիվանդությունը, որը, ճիշտ նշեցիք, բժշկական լեզվով կոչվում է էպիթելային պոչուկային ուղիների բորբոքում, բնածին հիվանդություն է, որը պայմանավորված է պտղի պոչային ծայրի զարգացման թերությամբ: Մաշկի տակ էպիթելով պատված ուղի է մնում: Ավելի պարզ բացատրեմ՝ պոչուկային հատվածում մաշկի շերտի տակ ևս մի նման շերտ է մնում, որի վրա շարունակում են բնականոն ձևով մազեր աճել: Երեխայի աճի ընթացքում հիվանդությունը մեծամասամբ չի անհանգստացնում, խնդիրները սկսվում են հասունացման շրջանից: Հիվանդությունը սկսում է արտահայտվել սեռական հասունացման շրջանում, երբ ուղիների լուսանցքում սկսում է ակտիվ մազեր աճել: Վիճակագրական տվյալներով հիվանդությունը հատկապես տարածված է 15-30 տարեկան մարդկանց շրջանում: Նշեմ, որ տղամարդկանց մոտ այդ հիվանդությունը ախտորոշվում է 3 անգամ ավելի հաճախ, քան կանանց մոտ:
-Ո՞ր գործոններն են նպաստում այդ հիվանդության առաջացմանը։
-Սեռական հասունացման ընթացքում ճարպագեղձերն ու քրտնագեղձերը սկսում են ակտիվ աշխատել, որի արդյունքում պոչուկի էպիթելային ուղիներում, որտեղ մազեր են աճում, արտադրուկներ են կուտակվում: Հայտնի է, որ այդ հատվածը լի է միկրոֆլորայով, որը ստեղծում է նպաստավոր պայմաններ բորբոքման առաջացման համար: Ինֆեկցիան թափանցում է առաջնային անցքերի միջոցով, որոնք գտնվում են սրբոսկրապոչուկային հատվածում և ինֆեկցիայի ներթափանցման դարպասներն են համարվում: Հիվանդության ի հայտ գալուն նպաստում է գերքրտնարադրությունը, թանձր մազածածկույթի առկայությունը, պոչուկի հատվածի վնասվածքը, նստակյաց կյանքն ու աշխատանքը (օրինակ՝ վարորդներ), ինչպես նաև ավելորդ քաշի առկայությունը:
-Ինչպե՞ս է արտահայտվում ու ախտորոշվում հիվանդությունը, ենթադրվում է արդյո՞ք երկարատև ախտորոշման գործընթաց, բազմաթիվ անալիզներ և այլն:
-Հիվանդության և՛ սուր, և՛ խրոնիկական դեպքերում ճիշտ ու հստակ ախտորոշման դժվարություն պրոկտոլոգի համար չկա, բավարար է սրբոսկրապոչուկային հատվածի վիզուալ զննումը, երբ վիրաբույժն ախտորոշում է պոչուկի կիստայի առաջնային անցքերը, թարախակույտի առկայությունը սուր դեպքերում, և խուղակի առկայությունը խրոնիկ դեպքերում:
Հիվանդությունը զարգանում է աստիճանաբար, հիվանդը կարող է զգալ ընդհանուր թուլություն, պոչուկի հատվածում այտուցվածություն, ուժեղացող ցավ, շարժումների սահմանափակում, հնարավոր է նաև երեկոյան ժամերին ջերմության բարձրացում:
Այս նկարագրումը համապատասխանում է պոչուկի էպիթելային ուղիների սուր բորբոքում ախտորոշմանը:
Քանի որ գործ ունենք թարախակույտի հետ, ապա այն պետք է ամեն դեպքում բացազատվի: Պրակտիկան ցույց է տալիս, որ թարախակույտը կարող է ինքնաբացազատվել՝ հիվանդի երկարատև տառապանքներից ու ցավերից հետո: Բացազատման փորձերի հաճախ դիմում են տնային պայմաններում՝ օգտագործելով զանազան ժողովրդական միջոցներ: Թարախակույտի բացազատում տեղի է ունենում նաև բժշկական միջամտության շնորհիվ, սակայն ցանկանում եմ այստեղ շեշտել եւ ուշադրություն հրավիրել այն հանգամանքի վրա, որ թարախակույտի բացազատումը հիվանդության բուժումը չէ՝ տեղափոխություն է սուր վիճակից՝ խրոնիկ: Հիվանդության խրոնիկ վիճակը ենթադրում է պոչուկի հատվածում արդեն գոյություն ունեցող թարախակույտի պարբերական ինքնաբացազատում և թարախային հոսք խուղակային անցքերից:
-Էպիթելային պոչուկային ուղիների բորբոքում հիվանդության (պոչուկի կիստա) բուժման ի՞նչ տարբերականեր կան:
-Այստեղ առանց երկմտելու կարող եմ միանշանակ ասել, որ հիվանդության բուժումը միայն վիրահատական է: Հեռացվում է բորբոքման հիմնական աղբյուրը՝ Էպիթելային խողովակները բոլոր առաջնային անցքերի հետ: Եթե առաջացել է բորբոքում, ապա հեռացվում է ուղին՝ հարակից փոփոխված հյուսվածքների և երկրորդային խուղակների հետ միասին: Սա նշանակում է արմատական վիրահատական բուժում: Հարկ եմ համարում նշել, որ կա տարածված տեսակետ, որ սուր դեպքերում՝ թարախակույտի առկայության դեպքում վիրահատական տարբերակի դիմում են թարախակույտը բացազատելուց հետո: Սակայն ուզում եմ նշել, որ մեր բաժանմունքում երկար տարիների հիվնադության բուժման փորձից ելնելով մշակվել է մեթոդ, երբ արմատական վիրահատությունը կատարվում է որոշ սուր դեպքերում՝ թարախակույտի առկայության պարագայում:
Ալեքսանդր Ղուրբանյան,
«Իզմիրլյան» բժշկական կենտրոնի ընդհանուր պրոկտոլգիայի վիրաբույժ-պրոկտոլոգ
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
- Ժողովրդական դեղամիջոցներ
- Հղիություն. 4-րդ ամիս
- Հղիություն. 7-րդ ամիս
- Կոճապղպեղ նույնն է՝ իմբիր, Ginger եւ Zingiber Officinale
- «Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
- Հղիություն. 6-րդ ամիս
- Հղիություն. 2-րդ ամիս
- 4-7 ամսական երեխաների սնուցումը
- Ամուսնական առաջին գիշերը
- Ընկերության մասին
- Ինչպես ազատվել անցանկալի մազերից
- Խնձորը` պզուկների դեմ. ազատվիր նրանցից 1 գիշերվա ընթացքում
- Պարզվում է ապագա երեխայի սեռը կախված է մայրիկի սնունդից
- Դդում
- Կոճապղպեղ՝ նիհարելու համար (կոճապղպեղի թեյ)
- Հիվանդություն, որը փոխում է մեր կյանքը` կրծագեղձի քաղցկեղ
- Սեռական գրգռում
- Արգանդի միոմա. նախանշանները, պատճառներն ու բուժումը
- Երիցուկ դեղատնային - Ромашка аптечная - Matricaria chamomilla L.
- Չիչխանի օգտակար հատկությունները
- Քարավուզ (նույն ինքը՝ նեխուր)
- Ինչպես ազատվել բերանի վատ հոտից`պարզ միջոց
- Հղիություն. 1-ին ամիս
- Դիմակներ` մազերի համար
- Կրծքի ցավե՞ր ունեք. ինչ անել
- Ընդհանուր տեղեկություններ մարմնի համակարգերի մասին
- Հեշտոցային արտադրության պատճառները. մասնագետի անդրադարձը
- Ընտրություն ըստ հորոսկոպի
- Հիվանդություն, որի համար պետք չէ ամաչել (թութք)
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Հղիությունը և նախապատրաստվելը դրան
- Խոսենք այդ մասին. ձեռնաշարժություն
- Երբ գլխացավն ախտանիշ է: Հանճարեղ և օժտված մարդկանց հիվանդություն
- Լեղաքարային հիվանդություն. բուժման մեթոդները
- Սեռական թուլության առաջին նախանշանները. news.am
- Ուլտրաձայնային դոպլերոգրաֆիա (երկակի (դուպլեքս) անոթների)
- Էկզեմայի տեսակները և բուժումը
- ՈւՆԱԲԻ: Արևելյան բժշկության գաղտնիքները
- Իրիդիոսքրինինգ
- Գամմա-դանակը նշտարի փոխարեն